तिशी नंतरच्या वैद्यकीय तपासण्या
प्रिय मित्रानो , आजच्या या धकाधकीच्या जीवनात आपण नेहमी व्यस्त असतो . आपल्या शरीराची हाक ऐकण्याची आपली तयारी नसते आणि तिशी नंतरचा कालावधी हा किती कमवू आणि किती नको कारण लाथ मारील तिथं पाणी काढील अशी आपली ऊर्जा असते . पण मध्येच ऐकू येतं अमुक हा गेला अरे फक्त ३८ चा होता , ४२ चा होता हे काय वय आहे का जाण्याचं ? तो एका दिवसात गेला का ? नक्कीच नाही . गेल्यानंतर फक्त स्वर्गातल्या अप्सरा दिसतात , बायका पोरं नाही . मध्यंतरी मला जेवण करतांना घाम येऊ लागला आणि लक्ष्यात आलं काहीतरी बिघडलंय . व्यायाम सिरियसली चालू केला . खूप काही वजन कमी नाही झालंय पण प्रामाणिकपणे सुरुवात केलीय .
तिशी नंतरच्या ७ टेस्ट पुढे पुढे सांगतो , करून घ्या पुरुष आणि महिलांनी सुद्धा
१ ब्लड प्रेशर . अमेरिकन हार्ट असोशियन सांगते विशी नंतर दर दोन वर्षांनी ब्लड प्रेशर टेस्ट केली पाहिजे आणि चाळिशीनंतर दर वर्षी
२ कोलेस्टेरॉल . दर सहा महिन्यांनी कोलेस्ट्रॉल चेक केलं पाहिजे
त्यात माझ्या सारख्या अधिक वजनाच्या माणसांनी तर हलगर्जी करता कामा नये
३ ब्लड शुगर . तिसरी महत्वाची टेस्ट म्हणजे शुगर ची . डायबिटीस ची बीजे ३५ नंतर रुजली जातात . याबद्दल अधिक सांगावे लागणार नाही कारण भारतात चाळीशी नंतर दर चौथ्या माणसाला शुगर आहे !! यावरून त्याची व्याप्ती लक्ष्यात यावी .
४ hiv लग्नापूर्वी आणि लग्नानंतर असुरक्षित संबंध आले असतील तर HIV टेस्ट करून घ्यावी. मग तुमचा रिस्क ग्रुप कुठलाही असो .
५ cancer स्त्रियांनी काखेत , स्तनांवर हाताने स्पर्श करून गाठ वगैरे लागते का बघावे . प्रेग्नन्सी नंतर गाठीसारखे लागणे ही वेगळी अवस्था आहे पण बाळाला दूध चालू नसतांना गाठ अली तर दुर्लक्ष्य करू नये . पुरुषांनी सुद्धा तंबाखूजन्य पदार्थांचे सेवन करत असाल आणि गाठ दिसली तर त्वरित तपासणी करून घ्यावी . महिलांनी पॅप स्मिअर नावाची टेस्ट असते , गर्भाशयाच्या कँसर साठीची ३० नंतर न विसरता करून घ्यावी .
६ पॅनक्रिया: डोके दुखणे तसेच सतत ऍसिडिटी असणे कुठलेही अन्न खाल्ले तर लगेच जळजळ होणे ही पॅनक्रिया मध्ये स्टोन असण्याची लक्षणे असू शकतात . पण कधीतरी महिना पंधरा दिवसातून ऍसिडिटी होणे कॉमन आहे . आपला आहार हा शक्यतो आठ वाजेच्या आत घ्यावा . नियमित झोप घ्यावी मग हा त्रास होत नाही . रात्रपाळी करणारे पोलीस नर्सेस यांच्यामध्ये ही लक्षणे सर्रास आढळतात पण इनो करी काम तमाम म्हणून आम्ही सहा रुपयात अराम मिळवतो पण हा दीर्घकालीन शरीरासाठी धोका असू शकतो
७ डेंटल प्राब्लेम : सर्वात महत्वाचे म्हणजे दातांच्या तपासण्या . दात हे किडल्याशिवाय आपण त्यांच्याकडे बघत नाही पण त्यांचे आरोग्य खूप महत्वाचे आहे . आजकाल लहान मुलांच्या दातांच्या तक्रारी आहेत कारण तुमचे किंडर जॉय आणि बाटलीचे दूध !!! दातांचे आरोग्य तिशी नंतर खूप महत्वाचे आहे . दातांचे क्लिनिंग करून घेणे स्केलिंग म्हणतात ते करून घ्यावे . रोज दोन वेळ दात स्वछ करणे गरजेचे आहे .
हे सुद्धा वाचनीय आहे
